Policia e Kosovës ka njoftuar se gjatë ditës së martë janë arrestuar dy persona, të cilët dyshohet që kanë therur me thikë një person.
Rasti ka ndodhur në Skenderaj, pas një mosmarrëveshjeje verbale që të dyshuarit kanë pasur me viktimën.
Njëri nga të dyshuarit është liruar në procedurë të rregullt, ndërsa tjetri është dërguar në mbajtje.
“Janë arrestuar dy të dyshuar meshkuj kosovarë, pasi të njëjtit pas një mosmarrëveshje verbale që kishin pasur me viktimën mashkull kosovar, dyshohet se e kishin sulmuar fizikisht atë duke e goditur me thikë. Viktima është dërguar në tretman mjekësorë në QKUK. Me vendim të prokurorit njëri i dyshuar është liruar në procedurë të rregullt, ndërsa i dyshuari i dytë është dërguar në mbajtje,” shkruhet në raportin e policisë.