Ministri i Punëve të Jashtme serbe, Marko Gjuriq, ka takuar kryediplomatin e Bashkimit Evropian, Josep Borrell, në Austri.
Në këtë takim, njashtu si e tërë politika serbe, Gjuriq i është viktimizuar Borrellit dhe ka dramatizuar situatën e serbëve në Kosovë, duke thënë “se po vuajnë presion të padurueshëm nga Prishtina”.
“Duke theksuar se gjendja në lidhje me Kosovën është jashtëzakonisht e vështirë, Gjuriq theksoi se serbët po vuajnë presion të padurueshëm si rezultat i kulmit të veprimeve afatgjata dhe sistematike të njëanshme nga autoritetet e Prishtinës”, thuhet në njoftimin e ministrisë serbe.
Gjithashtu, kryediplomati serb ka theksuar se Beogradi është i përkushtuar ndaj dialogut dhe ka kërkuar që të zbatohen marrëveshjet e arritura në këtë proces.