Ministri i Mbrojtjes, Ejup Maqedonci, ka bërë të ditur se një ekip mobil nga “Security Assistance Training Management Organization” (SATMO) i ushtrisë amerikane ka realizuar një trajnim të specializuar me mortaja për pjesëtarët e FSK-së.
Ky trajnim, i cili synonte ngritjen e kapaciteteve të artilerisë dhe avancimin e operimit me sistemet e armatimit, u mbajt në dy faza: pjesa teorike në Komandën e Doktrinës dhe Stërvitjes në Ferizaj, dhe pjesa praktike në poligonin e Melle në Republikën e Shqipërisë.
Maqedonci theksoi se ky trajnim kishte për qëllim rritjen e aftësive taktike dhe përmirësimin e saktësisë në objektivat e qitjes, duke synuar kështu ngritjen profesionale të pjesëtarëve të FSK-së.
“Profesionalizmi, disiplina, përkushtimi e besimi i ndërsjellë me aleatët tanë, kanë ndikuar në ecjen dhe ngritjen e kapaciteteve të Forcës së Sigurisë së Kosovës, bazuar në planin 10 vjeçar të tranzicionit. Në kuadër të bashkëpunimit bilateral me partnerin tonë strategjik, Shtete e Bashkuara të Amerikës një ekip mobil nga Security Assistence Training Menagment Organization (SATMO) e ushtrisë Amerikane ka realizuar trajnimin me mortaja për pjesëtarët e FSK-së, pjesa teorike është realizuar në Komandën e Doktrinës dhe Stërvitjes në Ferizaj dhe pjesa praktike në poligonin në Melle të Republikës së Shqipërisë.
Qëllimi i trajnimit ishte ngritja e kapaciteteve të artilerisë, avancimin e operimit me sistemet e armatimit, ngritja e aftësive taktike, rritjen e saktësisë në objektivat e qitjes me qëllim ngritjen profesionale të pjesëtareve te FSK-së”, ka shkruar Maqedonci në Facebook.