Me mbishkrimin “Kosova është Serbi” dhe fotografinë e kasapit të Ballkanit, Sllobodan Millosheviq, janë shfaqur postera në kryeqytetin serb, Beograd.
Siç raporton media “Nova”, këta postera kanë për autor Lëvizjen “Nashi”, të cilët, janë “specialistë” për vendosjen e banerave e posterave që sulmojnë mediet dhe opozitën serbe atje – por që në raste të tilla edhe postera shovinistë e etnonacionalistë.
Rastësi apo jo, këta postera janë vendosur hiç më pak se një ditë para takimit në Bruksel në mes të kryeministrit, Albin Kurti, dhe presidentit serb, Aleksandër Vuçiq.
