Deputeti i partisë në pushtet, Enver Haliti, ka shprehur pesimizmin e tij lidhur me takimin e nesërm midis kryeministrit Albin Kurti dhe presidentit serb Aleksandër Vuçiq, që do të mbahet në Bruksel.
Haliti konsideron se ky takim nuk do të sjellë ndonjë zhvillim të ri dhe e sheh atë më shumë si një takim lamtumirës nga ana e shefit të diplomacisë evropiane, Josep Borrell.
“Nesër nga takimi nuk presim asgjë të re. Sepse na tregon e kaluara që në këto takime nuk është del diçka aty për aty”, ka thënë Haliti.
Ai shtoi se takimi i nesërm është më shumë një ftesë nga Borrelli si një lamtumirë për pozitën që ai ka mbajtur deri tani.
“Këtë takimin e nesër e shohim më shumë si një ftesë nga Borrelli si një takim lamtumirës, sa i përket pozitës që e ka pasur deri tani. E konsideroj që është një takim lamtumirës, për shkak se ky do të jetë më siguri takimi i fundit i tij në cilësinë që ka, për shkak se do të dalin krerët e ri të institucioneve të BE-së pas zgjedhjeve që janë mbajtur”, ka thënë Haliti.