Në pjesën veriore të Mitrovicës janë shpërndarë disa poster me imazhin e presidentit të Serbisë, Aleksandar Vuçiq.
“Komandant Suprem, ju presim” është thirrja që shkruan në këto afishe të shpërndara kudo.
Këto postera janë shfaqur në katër komunat veriore, Leposaviq, Zubin Potok, Zveçan dhe veri të Mitrovicës.
Të njëjtat janë vendosur në muret e ndërtesave, shtëpive, lokaleve dhe hapësira të tjera publike.
Policia e Kosovës, respektivisht Zëdhënësi i Policisë së Kosovës në rajonin e Mitrovicës, Veton Elshani ka thënë se nuk ka persona të dyshuar, as të arrestuar dhe deri më tani nuk ka as rast të hapur lidhur me këto afishe të vendosura në vende të ndryshme në veri të vendit.