Sot ndërroi jetë njëri ndër shkrimtarët më të mëdhenj në historinë e shqiptarëve, Ismail Kadare.
Durim Abdullahu, historian thotë se Kadare përmes veprave të tij shpërfaqi dhe e bëri të njohur kulturën shqiptare që ishte e përceptuar si e vogël në botë.
“Kontributi më i rëndësishëm i Kadaresë nëpërmjet veprës së tij artistike letrare në historinë e letërsisë shqiptare dhe në historinë e kulturës shqiptare, është fakti që një kulturë e përceptuar përgjithësisht si e vogël në Evropë e në botë është bërë e njohur në masë të madhe përmes veprës së tij letrare,” thotë Abdullahu në “FIVE”, RTV Dukagjini.
Teksa shton se në periudhën e regjimit diktatorial të Enver Hoxhës, ishte hapur një rrugë për njohjen e shtetit të Shqipërisë, e sipas tij kjo ishte një rrugë për Ismail Kadarenë ku me veprat e tij do të shfaqte atë kohë.
“Në peridhën e vonë osmane, Shqipëria ka qenë pavarëisht pjesë e kontinentit të Evropës, vendi apsolutisht më i panjohur, dhe në një kohë kur arrihet kulmi i izolimit të Shqipërisë në periudhën e regjimit të diktaturës komuniste, pikërisht atëherë hapet një dritare për njohjen e Shqipërisë dhe kjo dritare është vepra artistike është vepra artistike e Ismail Kadaresë.”
E se si depërtuan veprat e Kadaresë nëpër botë, Abdullahu thotë se kjo histori e depërtimit ka një emër.
“Historia e depërtimit të veprës së Kadaresë në botë është një histori që lidhet me emrin e një personi Jusuf Vrioni një poliglot e intelektual i cili mori romanin ‘Gjenerali i ushtrisë së vdekur’ që e përkthej fillimisht në anglisht e pastaj e la e përkthej në frengjisht e pastaj u përcoll për një lloj testi tek agjentët letrarë në Francë nëpërmjet Ambasadës së Shqipërisë, dhe ka qenë kjo vepër që i ka hapur rrugë njohjes së tij ndërkombëtare, sepse kritika botërore e ka cilësuar si një prej romaneve klasike,” shtoi Abdullahu.
INTERVISTA E PLOTË: