Ndihmëssekretari amerikan i Shtetit për Çështjet Evropiane dhe Euroaziatike, James O’Brien, pas takimit që ka pasur dy ditë më parë me presidenten e Kosovës, Vjosa Osmani, ka thënë se ShBA-të janë krenare që e mbështesin Kosovën.
O’Brien ka thënë se është e rëndësishme që Kosova dhe ShBA-të të qëndrojnë në hap për ta avancuar vizionin e tyre të përbashkët.
“E mirëprita presidenten e Kosovës, Vjosa Osmani, në Washington. Ne jemi krenarë që mbështesim shtetin sovran, multietnik dhe demokratik të Kosovës. Është e rëndësishme që ne të qëndrojmë në hap për ta avancuar vizionin tonë të përbashkët. Gjithashtu folëm edhe për nevojën urgjente për t’u riangazhuar në dialogun e lehtësuar nga BE-ja”, ka shkruar O’Brien në rrjetin social “X”.
Welcomed President of Kosovo @VjosaOsmaniPRKS to Washington. We're proud to support the sovereign, multiethnic, and democratic state of Kosovo. It's critical we stay in step to advance our shared vision. Also discussed the urgent need to recommit to the EU-facilitated Dialogue. pic.twitter.com/L7ag9Hudk0
— Assistant Secretary Jim O'Brien (@StateEUR) July 9, 2024