Sekretari i Federatës Evropiane të Gazetarëve (EFJ), Ricardo Gutierrez, e ka konsideruar “ditë të zezë për lirinë e medias dhe demokracisë në Kosovë”, pas miratimit të Ligjit për Komisionin e Pavarur të Mediave të enjten në Kuvend.
Gueterrez, përmes një postimi në rrjetin social “X”, ka shkruar se pavarësisht Këshillave nga KiE, BE, OSBE dhe EFJ për mosmiratimin e tij, Kuvendi i Kosovës ka miratuar Ligjin për KPM-në.
“Kosovë: Parlamenti sapo miratoi ligjin për media (Ligjin për Komisionin e Pavarur të Mediave) pavarësisht këshillave nga KiE, BE, OSBE dhe EFJ për ta mos miratuar. Sot është një ditë e zezë për lirinë e medias dhe demokracinë në Kosovë. Partitë politike opozitare e bojkotuan seancën”, ka shkruar Gutierrez në “X”.
Ndryshe, më 59 vota për, dy abstenime e asnjë kundër, deputetët e Kuvendit të Kosovës e kanë miratuar projektligjin për Komisionin e Pavarur të Mediave (KPM).
Dy nga deputetët e pozitës, Dimal Basha dhe Eman Rrahmani, ishin ata që abstenuan gjatë votimit.
Ky projektligj është kundërshtuar nga shumica e organizatave ndërkombëtare që merren me lirinë e medias.
Kuvendi s’i merr parasysh rekomandimet e BE-së, e miraton projektligjin për KPM-në