Presidenti i Republikës së Shqipërisë, Ilir Meta, të premtën e 10 qershorit 2022, ka administruar propozimet e Këshillit të Lartë Gjyqësor, për emërimin e dy anëtarëve të rinj në Gjykatën e Lartë: Margarita Buhali dhe Enton Dhimitri.
Në njoftimin e Presidencës së Shqipërisë, thuhet se Presidenti Meta, pasi është njohur me vendimmarrjet respektive të Këshillit të Lartë Gjyqësor dhe propozimet e përcjella nga ky organ, ka vendosur të shprehet pa vonesë për pranimin e propozimeve të KLGJ-së.
Meta ka pranuar propozimet e KLGJ-së:
Me Dekretin nr. 13697, datë 14.06.2022, ka vendosur që znj. Margarita Buhali të emërohet gjyqtare e Gjykatës së Lartë;
Me Dekretin nr. 13698, datë 14.06.2022, ka vendosur që, z. Enton Dhimitri të emërohet gjyqtar në Gjykatën e Lartë.
Me anëtarësimin e Buhalit dhe Dhimitrit, Gjykata e Lartë bëhet me 15 anëtarë.