Dita kur do të hapet ura e Ibrit për qarkullimin e automjeteve është jo shumë larg.
Kështu të paktën ka deklaruar në “FIVE” të Dukagjinit deputeti i partisë në pushtet, Enver Dugolli, pavarësisht kërkesave nga SHBA-ja, QUINT-i dhe Bashkimi Evropian për të mos ndërmarrë veprime të njëanshme mbi këtë urë.
Dugolli thënë se hapja do të bëhet pas rezultateve të matjeve të stabilitetit të urës së Ibrit, që u bën gjatë së martës (dje), teksa thekson se tani është momenti i duhur për hapjen e saj, pasi rrethanat që kanë rënduar situatën e sigurisë kanë pushuar së ekzistuari.
“Ura është simbol i bashkimit, i afërmit të dy skajeve, pra është një objekt deri tani padrejtësisht është shndërruar në një pengesë e komunikimit, të lëvizjes së lirë të qytetarëve e të automjeteve. Tani i ka ardh koha, është moment i duhur, i volitshëm që edhe ajo të hapet dhe të jetë e qasshme.
E kam fjalën moment i volitshëm, se kanë pushuar së ekzistuari rrethanat që kanë rënduar situatën e sigurisë. Pra tani kemi një situatë krejtësisht tjetër, një situa ku ka thirrje dhe zëra edhe nga serbët që kjo urë të jetë e qasshme në funksion të lëvizjes së lirë… Është e pakuptim që kjo urë që mu në mes të qytet të jetë e bllokuar ende pas shumë kohësh.
… Ne po presim edhe rezultatet e matjes së gjendjes faktike, pasi e dimë që ka qenë e bllokuar dhe nuk ka qenë në funksion të asaj të është hapur, rezultatet e sigurisë fizike të urës më pastaj me siguri që do të jetë jo shumë lar ajo ditë që do të lëviznin lirshëm edhe automjetet. Nuk është që ne po e bëjmë kundër dikujt, përkundrazi po tentojmë që ura të jetë simbol i normalizim dhe bashkimit”, ka thënë Dugolli.
Ndonëse nuk dha një datë se kur, Dugolli është shprehur i bindur se ura do të hapet.
“Unë nuk mund të jap data, po kjo çështje, është çështje e mbyllur. Pra e përfunduar, për shkak se ura do të hapet”.