Rreth dy orë janë duke pritur qytetarë për të dalë nga Kosova në kufirin në Merdarë.
Ministria e Punëve të Brendshme e Kosovës ka publikuar të dhënat nga pikat e kalimit kufitar. Sipas këtyre të dhënave, fluksi më i madh është në Merdarë, ndërkaq pasohet nga pika në Jarinjë e Dheu i Bardhë.
Në Merdarë kolona zgjat një kilometër e gjysmë.
Në Dheun e Bardhë pritjet janë deri në një orë e 50 minuta. Ndërsa kolona është një kilometër e gjysmë. Tek pika kufitare në Jarinjë pritjet zgjasin 30 deri në 50 minuta dhe kolona është e gjatë 600-700 metra.
Edhe në pikat kufitare në Mutivodë e Muçibabë pritjet janë 15-20 minuta.