Siparantum është njëri prej emrave të parë të qytetit të Pejës. Emër të cilin sot e mbanë kori i muzikës klasike në këtë qytet.
Kori “Siparantum” interpreton vepra të periudhave dhe stileve të ndryshme, por pjesa më e madhe e veprave i takon muzikës korale kontenporane, pra muzikës moderne.
Ky kor të shtunën e 18-të qershorit do të mbajë koncertin e radhës, paraqitje kjo e cila do të bëhet me rastin e 5 vjetorit të themelimit.
Në mbrëmjen e së shtunës, do të shfaqet një dokumentar, ku do të flitet për kritikat pozitive për Korin “Siparantum”.
Në dokumentar do të ketë muzikantë dhe dirigjentë të cilët do të flasin për Korin “Siparantum”, të arriturat, sukseset dhe përfomancat e tyre jashtë vendit.
Koncerti do të mbahet në Kino “Jusuf Gërvalla”, në ora 20:00, në Pejë.