Kryeministri i Kosovës, Albin Kurti, në adresimin e tij në mbledhjen e qeverisë, ka thënë se janë duke bërë trajtimin e raportit preliminar për urën e Ibrit dhe se janë në pritje të atij final.
Shefi i ekzekutivit ka thënë se konsultimet për këtë çështje janë duke vazhduar teksa ka theskuar se hapja e kësaj ure është liri e lëvizjes e kjo është e drejtë themelore si në Kosovë, ashtu edhe në BE.
“Jemi duke i bërë të gjitha konsultimet e nevojshme dhe punët tona të shtëpisë, si për shembull trajtimi i draftit preliminar për qëndrueshmërinë e urës, teksa presim raportin final dhe deri te përgatitjet për rregullimin e pamjes dhe mjedisit rrotull. Hapja e urës është liri e lëvizjes e liria e lëvizjes është e drejtë themelore si në Republikën e Kosovës si në BE”, ka deklaruar Kurti.