Ish-kryeministri i Kosovës, Isa Mustafa e ka fajësuar presidenten Vjosa Osmani, kryeministrin Albin Kurti dhe kryetarin e Podujevës Shpejtim Bulliqi, për mosliberalizim të vizave për Kosovën.
Përmes një reagimi në Facebook, ka kërkuar nga Osmani dhe të tjerët ta “mbyllin gojën për liberalizimin”.
Mustafa e ka quajtur presidenten Osmani, bllokuese të procesit të liberalizimit të vizave.
“Gati më shkuan lotët kur e lexova deklaratën e Vjosës se vetëm asaj i është dashur viza për këtë takim në Bruksel. Çfarë ironie. Kjo mendon se populli e ka mbajtje mendjen e peshkut”, ka shkruar ai.
“Është Vjosa Osmani, Albin Kurti, Shpëtim Bulliqi e piromanet e tyre që në vitin 2015 e 2016, kur ne ishim në një pako me Ukrainën dhe Gjeorgjinë për liberalizimin e vizave shpiknin të pavërteta për ta penguar ratifikimin si kusht të liberalizimit”, vijon shkrimi i tij.
Fajtor kryesor sipas Mustafës, janë Osmani, Kurti e Bulliqi, të cilat sipas tij e kanë mashtruar popullin dhe e kanë lënë pa viza.