Presidenti i zgjedhur, Donald Trump, dhe gruaja e tij, Melania, arritën në Shtëpinë e Bardhë, ku u pritën nga presidenti në largim, Joe Biden, dhe gruaja e tij, Jill.
Është hera e parë që dyshja takohen sot.
Pak momente më parë ne pamë anëtarët e familjes së Trump të hyjnë në ndërtesën e Kapitolit, ku presidenti i zgjedhur do të shkojë prej sot, raporton BBC.
“Mirë se vini në shtëpi”, i tha Biden Trumpit.
Ata do të ulen për çaj, përpara se të nisen drejt ndërtesës së Kongresit.
Takimi i çajit do të zhvillohet me dyer të mbyllura, pa lejuar mediat brenda.
Ndryshe, në ceremoninë e inaugurimit marrin pjesë edhe personalitete nga Kosova.
Nga Presidenca e Kosovës u konfirmua se presidentja Vjosa Osmani ka vendosur të dërgojë një delegacion në krye me ambasadorin e Kosovës në SHBA, Ilir Dugolli, në ceremoninë e inaugurimit të presidentit të zgjedhur amerikan, Donald Trump.
Kreu i Aleancës për Ardhmërinë e Kosovës, Ramush Haradinaj, do të marrë gjithashtu pjesë në këtë ngjarje, ashtu si edhe ish-presidenti i Kosovës, Behgjet Pacolli, kryetari i Prishtinës, Përparim Rama, dhe biznesmeni Shkëlqim Devolli.