Një person ka raportuar në Polici të premten se dikush ka tentuar ta vrasë.
Rasti ka ndodhur në rrugën “Xhavit Ahmeti” në Prishtinë derisa viktima ishte në veturë dhe i dyshuari ka goditur xhamin e më pas duke u larguar ka shtënë me armë.
Policia po e heton rastin.
“Viktima mashkull kosovar, ka raportuar se një i dyshuar i panjohur me armë ka goditur xhamin e veturës së tij, me ç’rast ka pësuar lëndime dhe gjatë largimit i dyshuari edhe ka shtënë me armë zjarri. Në vendin e ngjarjes kanë dalë njësit policore ku kanë gjetur dhe konfiskuar një fishek dhe një gëzhojë. Viktima ka pranuar tretman mjekësor, ndërsa lidhur me rastin është njoftuar prokurori. Rasti nën hetime”, thuhet në raportin e PK-së.