Procesi i numërimit të votave për kandidatët për deputetë në Qendrën Komunale të Numërimit në sallën “1 Tetori” në Prishtinë është shoqëruar me tensione, pas një përplasjeje verbale mes komisionerëve të Lëvizjes Vetëvendosje dhe Lidhjes Demokratike të Kosovës.
Siç raportoi Klan Kosova, mosmarrëveshja ka nisur për një votë të kontestuar, kur komisionerët e VV-së ngritën shqetësime lidhur me vlefshmërinë e saj, duke kërkuar që të mos llogaritej si e rregullt. Ndërkohë, komisionerët e LDK-së insistuan që ajo votë të konsiderohej e rregullt dhe të numërohej si e tillë.