Ministri i Mbrojtjes, Armend Mehaj ka bërë të ditur se kadetët e Forcave të Sigurisë së Kosovës janë duke zhvilluar stërvitjet përkrah ushtarëve të NATO-s.
Përmes një postimi në Facebook, Mehaj bëri të ditur se këto stërvitje po kryhen në kuadër të kampit veror “Kampi Veror 2022” i cili po mbahet në Maqedoninë e Veriut.
Ai e ka cilësuar këtë si një “mundësi të shkëlqyer” që kadetët e Forcës së Sigurisë së Kosovës t’i rrisin shkathtësitë e tyre.
“Kadetët tanë përkrah kadetëve të vendeve të ushtrive të NATO-s në Stërvitjen “Kampi Veror 2022”, i cili po mbahet në Maqedoninë Veriore. Kjo është një mundësi e shkëlqyer që kadetët tanë, njohuritë dhe shkathtësitë e tyre profesionale t’i zbatojnë në ndërveprueshmëri dhe shpirt ekipor mes trupave shumëkombëshe”, ka shkruar Mehaj në Facebook.
