NATO ka zyrtarizuar ftesën e saj për Suedinë dhe Finlandën për t’u bashkuar me aleancën e saj.
“Aderimi i Finlandës dhe Suedisë do t’i bëjë ato më të sigurta, NATO-n më të fortë dhe zonën euro-atlantike më të sigurt. Siguria e Finlandës dhe Suedisë ka një rëndësi të drejtpërdrejtë për Aleancën, përfshirë gjatë procesit të pranimit,” thuhej në deklaratë.
Grupi vendosi kolektivisht të miratojë kërkesat e vendeve për t’iu bashkuar NATO-s,pasi Turqia hoqi kundërshtimet e saj të martën, duke hapur rrugën për zgjerimin NATO-s.
Ky zgjerim historik i bllokut të mbrojtjes synon të zvogëlojë drejtpërdrejt synimet e presidentit rus Vladimir Putin, përderisa lufta e tij në Ukrainë është duke vazhduar.
Vendimi tani do të shkojë në parlamentet dhe legjislaturat e 30 vendeve anëtare për ratifikim përfundimtar. Udhëheqësit e NATO-s thanë se prisin që procesi të ecë shpejt, duke lejuar një pranim të shpejtë të paprecedentë dhe një shfaqje uniteti kundër Putinit, raporton CNN.
Ndërsa për këtë ka reaguar edhe presidentja e Kosovës, Vjosa Osmani përmes llogarisë së saj në Twitter, të cilin e ka quajtur vendim historik.
“Kosova aspiron t’i bashkohet familjes transatlantike për të përmbushur ambicien e popullit tonë për të mbrojtur liritë dhe vlerat tona të fituara me mund”, ka shkruar Osmani.
Ajo ndërkaq miratimin e konceptit të ri strategjik të NATO-s në Samitin në Madrid e ka quajtur një përgjigje të qartë të unitetit transatlantik ndaj kërcënimit të Rusisë.
“Rikonfirmimi i Aleancës për forcimin e arkitekturës evropiane të sigurisë dhe mbrojtjes, dhe përkushtimi i tyre ndaj Ballkanit Perëndimor, është vendimtar për të ardhmen tonë kolektive paqësore dhe prosperuese”, ka shtuar ajo.
Today's historic decision to invite Sweden and Finland to join @NATO highlights the commitment of the Alliance to peace, security and stability.
Kosovo aspires to join the transatlantic family to fulfil the ambition of our people to safeguard our hard-earned freedoms & values.
— Vjosa Osmani (@VjosaOsmaniPRKS) June 29, 2022