Ambasadori i Kosovës në Kroaci, Martin Berishaj, është intervistuar nga Prokuroria Speciale.
Ai ishte përmendur kohë të gjatë si i dyshuar për shpërlarje parash dhe deklarim të rrejshëm të pasurisë.
Disa pamje të Berishajt bashkë me avokatin Tomë Gashi i ka publikuar edhe Tëvë1. Ata shihen duke u larguar nga Prokuroria Speciale.
Mediat slloven kishin shkruar për një skandal të madh financiar, ku ishte i përfshirë Robert Golob, kryetar i Partisë së Lirisë. Në këtë aferë, ku dyshohej për shpëlarje parash, dukej që ishte përfshirë edhe ambasadori Berishaj.
Një televizion slloven, Planet TV, kishte raportuar se mbi gjysmë milion euro, në kesh, janë bartur prej Malit të Zi për në Slloveni, kurse rolin e mushkës, ose të transportuesit të parave e ka kryer ambasadori i Kosovës, z. Berishaj.