Kanë përfunduar përgatitjet intensive të FSK-së, ku do të marrin pjesë për Stërvitjen e famshme të drejtuar nga Ushtria Amerikane “Defender-Europe’23”.
Regjimenti i Dytë i Këmbësorisë ka realizuar UF “Steel Alpha Support” në ambientet taktike të Aeroportit të Gjakovës dhe në Babaj i Bokës.
Ky regjiment ka realizuar aktivitete trajnuese me qëllim të ngritjes së kapaciteteve operacionale me fokus në validimin e njësive vartëse të kompanisë 2A dhe kompanisë 2 mbështetëse.
Qëllimi i ushtrimit fushor ka qenë përgatitja e njësive për procesin e validimit dhe pjesëmarrjes efektive në Stërvitjen më të madhe të Ushtrisë Amerikane me forcat aleate “Defender-Europe’ 23”.
