Franca përballet me protesta masive, pasi qytetaret janë kundër masave të reja shtrënguese. Këto përfshijnë një rishikim të përfitimeve të papunësisë, shkëputjen e pensioneve nga inflacioni dhe rritjen e kostove mjekësore.
Pritet që qindra mijëra persona t’i bashkohen grevave dhe demonstrative.
8 sindikata të mëdha kanë thirrur qytetarët të dalin nëpër rrugë kundër planeve buxhetore. Rënia e qeverisë së François Bayrou javën e kaluar nuk i ka penguar drejtuesit sindikatave, të vazhdojnë thirrjen e tyre për mobilizim.
Autoritetet dhe shërbimet e inteligjencës vlerësojnë se midis 600,000 dhe 900,000 persona mund të marrin pjesë në gjithë vendin, përfshirë deri në 100,000 vetëm në Paris.
Të paktën 58 persona janë arrestuar. Në Paris, 11 persona u ndaluan gjatë përplasjeve të mëngjesit.Qarkullimi në kryeqytetin francez është rënduar. Metroja e Parisit dhe trenat e linjave periferike funksionojnë me kapacitet të reduktuar.
Në shkolla, bojkotimi është i madh. Një e treta e mësuesve të shkollave fillore janë në grevë. Në shkollat e mesme, pothuajse gjysma e stafit mungon nga klasat.
Rreth 80,000 policë dhe xhandarë janë mobilizuar në të gjithë Francën, me një prani të fortë në Paris.
Shefi i policisë Laurent Nuñez paralajmëroi se qindra apo edhe mijëra grupe të dhunshme të së majtës ekstreme po përgatiten të përfshihen në protestat sindikale. Ai u bëri thirrje tregtarëve përgjatë itinerarit të protestës që të mbyllin bizneset dhe të mbrojnë dyqanet e tyre.