Analisti politik, Astrit Gashi, vlerëson se Xhafer Tahiri i Lidhjes Demokratike të Kosovës i bëri puç partisë kur bëri koalicion me Lëvizjen Vetëvendosje në Vushtrri.
Gashi, në Debat Plus në Dukagjin, u shpreh se sipas tij Tahiri në këtë rast veproi në shenjë hakmarrjeje ndaj kandidatit të PDK-së.
“Xhafer Tahiri i ka futur thikë pas shpine Lumir Abdixhikut, ai ka qenë personi më i llastuar në LDK nga Lumir Abdixhiku. Xhafer Tahiri nëse ju kujtohet ka qenë gjithcka në LDK para zgjedhjeve të kualuar lokale kur humbi. LDK-ja i ka besuar edhe pas humbjes dhe e ka lënë sërish në garë edhe pse e ka ditur se sërish do të humb”, tha Gashi.
“Xhafer Tahiri i është hakmarrë PDK-së dhe kandidatit të saj në marrëveshjen që ka nënshkruar me VV-në. Ai personalisht ka vendos të ndëshkojë kinse personin që ia humbi zgjedhjet herën e kaluar (kandidati i PDK-së) i ndëshkoi në këto zgjedhje pa e konsultuar fare partinë. Xhafer Tahiri me këtë marrëveshje me VV-në bëri puç pasi nënshkroi marrëveshjen në prani në kryetarit të partisë, Albin Kurti, pa u konsultuar fare me kryetarin e partisë së tij”, u shpreh Gashi.
Për Gashin është edhe e çuditshme se si kryesia e LDK-së nuk po e shkarkon Xhafer Tahirin.