Muhamet Bytyçi, njohës i çështjeve politike, ka vlerësuar dorëheqjen e Memli Krasniqit si të papritur, duke theksuar se pavarësisht tensioneve të muajve të fundit në PDK, një dorëheqje kaq e shpejtë nuk ishte pritur, sidomos me zgjedhjet lokale që ende nuk janë përmbyllur.
Ai ka shtuar se karriera e Krasniqit është lidhur ngushtë me PDK-në dhe se vendimi mund të lidhet me përgatitjet për zgjedhjet e reja dhe mundësinë e kthimit të Ramiz Lladrovcit në parti, duke synuar rezultate sa më të mira për subjektin.
“Sigurisht janë pritur zhvillime për shkak krejt tensioneve muajt e fundit që i ka pasur ky subjekt politik, mirëpo një dorëheqje kaq e shpejtë nuk është pritur, për shkak se ende nuk është përmbyllur procesi për zgjedhje lokale”, ka deklaruar ai për emisionin FIVE.
“Nëse e shohim krejt karrierën e Memli Krasniqit politika është lidhur me PDK është aktivistë i hershëm, shumë i përkushtuar…mendoj që kjo ka ardhur ndoshta për një vlerësim sa më të shpejt të fitoreve në zgjedhje lokale, duke pasur parasysh që shihet një mundësi e kthimit të Ramiz Lladrovcit në parti, dhe paraqitja e një rezultati sa më të mirë për PDK, dhe ndryshimet sa më të shpejta për shkak ë zgjedhjeve tjera që na presin ndoshta e ka ngut procesin”, ka deklaruar Bytyçi.
Ndërsa, gazetari Shkëlzen Dakaj ne emisionin FIVE, ka theksuar se dorëheqja e Krasniqit tregon pjekuri politike.