Ministri i Jashtëm gjerman, Johann Wadephul, do të ndërmarrë një turne diplomatik në të gjitha gjashtë vendet e Ballkanit Perëndimor gjatë javës së ardhshme.
Vizita e tij fillon të dielën në Bosnjë e Hercegovinë, për të vazhduar në Mal të Zi, Shqipëri dhe Serbi, ndërsa në Kosovë pritet të mbërrijë të martën pasdite, më 18 nëntor.
Pas Kosovës, Wadephul do ta përmbyllë turneun në Maqedoninë e Veriut më 19 nëntor.
Gjatë qëndrimit në Kosovë, ministri gjerman do të takojë presidenten Vjosa Osmani dhe kryeministrin në detyrë, Albin Kurti.
Po ashtu, Wadephul do të vizitojë edhe trupat gjermane të KFOR-it.