Në 18 komunat që shkuan në balotazh më 9 nëntor, janë numëruar votat nga diaspora, me kusht dhe atyre me nevoja të veçanta për balotazhin e zgjedhjeve lokale.
Shaban Shabani në Dragash ka prirë me votat me kusht me 54.17%, derisa Bexhet Xheladini ka siguruar 45.83% të tyre.
Në votat me nevoja të veçanta ka udhëhequr Xheladini me 53.85% të votave, derisa Shabani mori 46.15% të tyre.
Jeton Raka i VV-së ka marrë 76.47% të votave me kusht në Kaçanik, derisa Sabedin Vishi i PDK-së rrëmbeu 23.53%.
Derisa Raka priu edhe në votat me nevoja të veçanta, ku mori 67.11%, derisa Vishi mblodhi 32.89% të votave.
Në Klinë, Zenun Elezaj i AAK-së mori 63.16% të votave me kusht, derisa në ato me nevoja të veçanta doli i dyti, me 44.26%.
Sokol Bashota i PDK-së udhëhoqi në votat me nevoja të veçanta, i cili siguroi 55.74% të votave, derisa mori 36.84% të votave me kusht.
Në komunën e Obiliqit, Halil Thaçi kryesoi me votat me kusht, por edhe me ato të nevojave të veçanta.
Ai mori 68.75% të votave me kusht, derisa Xhafer Gashi siguroi 31.25%. Në ato me nevoja të veçanta, Thaçi rrëmbeu 53.85%, e Gashi 46.15%.
Smajl Latifi i Rahovecit udhëhoqi në votat me nevoja të veçanta, ku mori 59.52% të tyre, derisa Ali Dula nga radhët e VV-së kryesoi në votat me kusht, i cili siguroi 56.25% të tyre.
Derisa në komunën e Suharekës, kryetari i saj, Bali Muharremaj siguroi shumicën e votave me kusht, ashtu edhe të nevojave të veçanta.
Ai mori 55.56% të votave me kusht, dhe 61.90% të atyre me nevoja të veçanta, duke lënë nën “hije” Ardian Shalën e LDK-së.
Sokol Haliti dhe Arsim Ademi u ndarë ‘baras’ në Viti, pasi Ademi mori kryesinë e votave me kusht, e Haliti ato të nevojave të veçanta.
Në komunën e Vushtrrisë, Sylejman Meholli mori 54.93% të votave me kusht, derisa kryetari i zgjedhur, Ferit Idrizi kryesoi në votat me nevoja të veçanta, ku mori 70.13% të tyre.
Abdulhaldi Krasniç dominoi Fikret Morinën në Mamushë, duke rrëmbyer kryesinë e votave si me kusht, ashtu edhe të atyre me nevoja të veçanta.
Në Kllokotë ani pse nuk kishte garë, pasi kandidati i vetëm për kryetar ishte Bozhidar Dejanoviq, ai mori 100% të votave me nevoja të veçanta, pasi me kusht nuk kishte asnjë.
Në Junik, nuk janë numëruar ende 100 për qind e rezultateve të këtyre votave./EO