Një person ka mbetur i plagosur nga arma e zjarrit në Fushë Kosovë.
Ngjarja ka ndodhur pasditen e së shtunës, më 29 nëntor 2025, në rrugën “Dardania”, ka konfirmuar Policia e Kosovës.
Zëdhënësja e policisë për rajonin e Prishtinës, Flora Ahmeti, ka deklaruar se njësitet policore kanë reaguar menjëherë pas raportimit dhe kanë dalë në vendin e ngjarjes. Deri tani nuk ka të arrestuar në lidhje me incidentin.
“Rreth orës 16:00 kemi marrë informatën për të shtëna me armë zjarri, në rrugën Dardania në Fushë Kosovë”.
“Aktualisht hetuesit policorë kanë nisur një hetim për të sqaruar rrethanat e rastit”, ka thënë Ahmeti për Dukagjinin.