Tri vetura janë aksidentuar mbrëmjen e së shtunës në Istog.
Si pasojë e këtij aksidenti kanë mbetur të lënduar dy persona të cilët janë dërguar për trajtim në Spitalin e Pejës, njofton Dukagjini.
Rastin për Dukagjinin e ka konfirmuar edhe zëdhënësi i policisë në Pejë, Fadil Gashi.
“Rreth orës 22:00 jemi njoftuar për një aksident mes tri veturave, në Istog. Dy persona kanë pësuar lëndime trupore. Të njëjtit janë dërguar për trajtim në spitalin rajonal të Pejës. Njësitet përkatëse të hetuesve kanë dalur në vendin e ngjarjes dhe po merren me hetimet për të zbardhur se çfarë ka ndodhur”, tha Gashi.