Stret Party Prishtina të dielën pushton kryeqytetin.
Edicioni i tretë i “Street Party Prishtina” do të mbahet në kryeqytet këtë të dielë, duke promovuar muzikën, artin dhe inovacionin.
Pas një viti pushim për shkak të pandemisë, “Street Party Prishtina” do t’i rikthehet kryeqytetit kosovar për të tretën herë.
Organizatori Ardin Badivuku, i ftuar në emisionin “Drive on D” me Donika Hysenin në Radio Dukagjini, ka bërë të ditur se kjo ngjarje do të mbahet të dielën me 10 korrik, nga ora 13:00 deri në orën 23:00, tek blloku i kafeve të vogla, ku rruga do të bllokohet dhe do të shndërrohet në një vend të bukur, me muzikë, art e inovacion, ku do të përformojnë DJ e bende lokale dhe ndërkombëtare.
Badivuku ka deklaruar se ngjarja ka për qëllim t’iu japë përkrahje artistëve të rinj, që të kenë mundësi të promovojnë dhe shesin punën e tyre.
Në eventin që mbahet nën patronatin e Komunës së Prishtinës, do të përformojnë DJ Kronz, D-Master, MR. Cool, M.I.M, Kejdi Barbullushi e Lab Sadiku. Megjithatë Badivuku ka zbuluar artistin kryesor dhe befasinë e këtij edicioni, që do të jetë artisti i madh nga Spanja, DJ Chuss.
Badivuku ka deklaruar se organizimi i këtij edicioni ishte më i lehtë se në të kaluarën, pasi sipas tij, administrata e re e Komunës së Prishtinës është më e hapur në përkrahjen e evenimenteve të tilla.