Çmimi “Personalitet i Vitit 2025”, i ndarë nga Radio Dukagjini, këtë vit i është dhuruar drejtorit të Klinikës së Onkologjisë në Prishtinë, Dr. Ilir Kurtishi.
Dr. Kurtishi vlerësohet për kontributin e jashtëzakonshëm profesional, gatishmërinë e vazhdueshme, sjelljen njerëzore si dhe përkushtimin e palëkundur ndaj pacientëve, duke u shndërruar në një figurë të respektuar në sistemin shëndetësor të Kosovës.
Doktor Kurtishi u shpreh shumë i emocionuar, duke theksuar se ky vlerësim është motivim shtesë për të dhe ekipin e tij.
“Është e jashtëzakonshme. Ne jemi gjithmonë të gatshëm t’u përgjigjemi të gjithë pacientëve dhe të bëjmë çfarëdo që është e mundur për t’ua lehtësuar sado pak barrën,” u shpreh Dr. Kurtishi.
