Kryetari i Preshevës, Shqiprim Arifi, ka thënë se kjo situatë është shqetësuese, dhe se një situatë e tillë do të vështirësojë realizimin e projekteve për pesë muajt e mbetur të vitit.
“2 milionë eurot e parapara për Luginën nga Qeveria e Kosovës për vitin 2022, ende të patransferuara në buxhetet e komunave shqiptare të Preshevës, Bujanocit dhe Medvegjës”, ka shkruar Arifi, në Facebook.
Ndër të tjera, ai ka thënë se vonesa e transferimit të mjeteve krijon vështërsi për realizimin e projekteve.
“Vonesa e transferit të mjeteve shkakton vështirësi edhe në realizimin e projekteve për këtë vit, rrjedhimisht të detyruar projektet do të duhet të shtyhen për vitin e ardhshëm; gjë që i dëshpëron qytetarët”, ka shkruar ai.
Fondi për Luginën e Preshevës, ishte paraparë të shërbejë si mekanizëm i përbashkët dhe mbështetës i shteteve amë për popullin shqiptar në Preshevë, Bujanoc dhe Medvegjë.