Presidenti i Republikës së Shqipërisë, Bajram Begaj, do të qëndrojë për vizitë zyrtare në Kosovë më 16 dhe 17 shkurt 2026.
Policia e Kosovës ka njoftuar se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe qëndrimit të delegacionit.
Sipas njoftimit, për të mundësuar qarkullim të lirë të eskortës, do të ketë ndërprerje të përkohshme të trafikut në disa segmente rrugore, në intervale të shkurtra kohore, përfshirë edhe hyrjen në pikën kufitare në Vërmicë më 16 shkurt në orët e pasdites, si dhe gjatë aktiviteteve zyrtare deri në kthimin e delegacionit më 17 shkurt në mbrëmje.
Policia ka kërkuar mirëkuptim nga qytetarët dhe pjesëmarrësit në trafik, duke paralajmëruar se në disa raste mund të ketë edhe riorientim në rrugë alternative.