Përfaqësues të Lëvizjes Vetëvendosje, përfshirë kryetaren e Kuvendit, Albulena Haxhiu, i janë drejtuar Gjykatës Kushtetuese e Kosovës me kërkesë për vlerësimin e kushtetutshmërisë së procedurës për zgjedhjen e presidentit të shtetit.
Këtu përfshihet edhe kërkesa për vendosjen e masës së përkohshme që do të pezullonte afatet kushtetuese lidhur me procesin e zgjedhjes së presidentit deri në publikimin e aktgjykimit.
Në dokumentin e siguruar nga Dukagjini, e, të dorëzuar në Kushtetuese nga VV-ja thuhet se mandati i presidentes aktuale, Vjosa Osmani-Sadriu, përfundon më 4 prill 2026, ndërsa për procesin e zgjedhjes së presidentit janë propozuar dy kandidatura: Glauk Konjufca dhe Fatmire Mulhaxha Kollçaku.
Sipas kërkesës, seanca e jashtëzakonshme e mbajtur më 5 mars 2026 nuk arriti të zhvillojë procedurën e votimit për shkak të mungesës së kuorumit, pasi 54 deputetë të opozitës nuk morën pjesë në seancë, duke pamundësuar arritjen e shumicës së nevojshme prej 80 deputetësh në dy raundet e para të votimit.
Në kërkesë propozohet që Kushtetuesja të shpallë kërkesën të pranueshme, të vendosë masë të përkohshme për pezullimin e afateve për zgjedhjen e presidentit, të konstatojë shkelje kushtetuese në rast të mospjesëmarrjes së deputetëve në votim dhe të përcaktojë detyrimin e deputetëve për të marrë pjesë në procedurën e votimit.
Kërkesa e plotë e siguruar nga Dukagjini:
