Gjermania është eliminuar nga Kupa e Botës 2026 pas një disfate dramatike ndaj Paraguait në 1/16 e finales, në një ndeshje që u vendos vetëm pas ekzekutimit të penalltive.
Koha e rregullt dhe vazhdimet u mbyllën me rezultat 1:1. Paraguai kaloi në epërsi në fund të pjesës së parë me golin e Julio Encisos me kokë, ndërsa Gjermania u rikthye në lojë në minutën e 52-të me golin e Kai Havertz.
Në penallti, paraguajanët u treguan më të saktë, duke fituar 4:3. Portieri Orlando Gill ishte vendimtar me dy pritje të rëndësishme, që i siguruan ekipit të tij kualifikimin historik.
Ky rezultat përbën një nga befasitë më të mëdha të turneut deri tani, pasi Paraguai avancon në 1/8 e finales për herë të parë që nga viti 2010.