“Praktikisht ky ligj duhet të rishkruhet nga pika zero” ka thënë Gëzim Shala.
Shala nga IKD-ja, ka folur për Projektligjin për Verifikimin dhe Konfiskimin e Pasurisë së Pajustifikueshme, ku ka thënë se ky Projektligji nëse arrinë të bëhet ligj do të ketë target të hetimit të gjithë zyrtarët publikë dhe familjarët e tyre.
Ai ka thënë se ky projekt ligj do të hetojë një pjesë të madhe të qytetarëve, pasi sipas tij, në administratën e shtetit punojnë një numër i madh i njerëzve, përveç tyre janë edhe familajrët e tyre, kjo e rritë numrin e personave që mund të hetohen.
Tutje, Shala ka treguar se Projektligjin në Komisionin e Venecias, nuk e kishte dërguar Ministria e Drejtësisë por Kryetari Kuvendit të Kosovës Galuk Konjufca, pasi Ministria e Drejtësisë e kishte dërguar dhe pa opinionin e Venecias në Parlamentin e Kosovës.
Ministria e Drejtësisë për Gëzim Shalen kishte pësuar ”debakël të thellë në Komisionin e Venecias, nuk ka asnjë çështje të rëndësishme në këtë Projektligj e në të cilën Komisioni i Venecias, ka ka dhënë të paktën një vërejtje”.
Ai ka thënë se Komisioni i Venecias ka kërkuar që të mos këtë Byro për Konfiskimi të Pasurisë por këto kompetenca t’i epen ndonjë institucioni ekzistues të drejtësisë.
Shala ka treguar dhe keqkuptimin e Opinionit të Komisionit të Venecias ku ka thënë nuk janë gjashtë rekomandime por gjashtë lloje të sugjerimeve në të cilat përfshinë 15 rekomandime.
“Është gabimi që ky ligji është miratuar në parimi në leximi të parë” pasi sipas Shalës ky ligji nuk do të jetë në duart eksperteve siç i ka Ministria e Drejtësisë por në duart e personave politik siç janë deputetët e Kuvendi të Kosovës.
Për Shalën është e vështirë që rekomandimet opinionit të Venecias të vlerësohen drejte nga deputetët.