Ushtruesja e detyrës së presidentes, Albulena Haxhiu, ka deklaruar se pas certifikimit të rezultateve përfundimtare të zgjedhjeve të 7 qershorit, do të nisë rruga për themelimin e institucioneve të reja.
Haxhiu ka bërë të ditur se, në përputhje me përgjegjësitë kushtetuese, seanca konstituive e Kuvendit të Kosovës do të thirret brenda afatit të përcaktuar me Kushtetutë.
Ajo ka vlerësuar se certifikimi i rezultateve përmbyll një proces të rëndësishëm demokratik, duke theksuar se mandati i dhënë nga qytetarët duhet të ushtrohet me integritet dhe përgjegjësi.
“Në përputhje me përgjegjësitë kushtetuese, seanca konstituive e Kuvendit të Republikës do të thirret brenda afatit të përcaktuar me Kushtetutë, duke hapur rrugën për themelimin e institucioneve të reja të dala nga vullneti i qytetarëve”, ka shkruar Haxhiu në Facebook.
KQZ-ja certifikon rezultatet e zgjedhjeve të 7 qershorit, nis afati për formim të institucioneve