Sot në vendin ton moti do të karakterizohet kryesisht me diell, ndërsa vranësira të pakta priten kryesisht rreth zonave malore.
Sipas parashikimit të Institutit Hidrometeorologjik të Kosovës, temperaturat minimale do të lëvizin nga 10 deri në 14 gradë Celsius, ndërsa ato maksimale pritet të arrijnë nga 28 deri në 33 gradë Celsius.
“Era do të fryjë kryesisht nga veriu dhe verilindja, me shpejtësi 1–6 m/s”, thuhet në njoftim.
IHMK vlerëson se kushtet biometeorologjike do të jenë përgjithësisht të favorshme, megjithatë gjatë orëve të mesditës pritet një rritje e ngarkesës termike për shkak të temperaturave të larta.
“Gjatë orëve të mesditës, për shkak të temperaturave që mund të arrijnë deri në 33°C, mund të ketë ngarkesë të shtuar termike”, thekson IHMK