Policia e Kosovës ka njoftuar se gjatë punimeve në rrugë në Gjilan janë gjetur disa mjete të dyshimta dhe të pashpërthyera, të cilat dyshohet se kanë mbetur nga periudha e luftës.
“Gjatë punimeve në rrugë, janë hasur disa mjete të pashpërthyera, përfshirë fishekë, karikatorë, armë të gjata, granata dore dhe uniformë ushtarake”, thuhet në raportin e Policisë së Kosovës.
Sipas policisë, vendi i ngjarjes është siguruar, ndërsa në lokacion kanë dalë njësitë për deminim të KFOR-it dhe FSK-së.
“Njësitë për deminim të KFOR-it dhe FSK-së kanë bërë tërheqjen e mjeteve të dyshimta pa ndonjë incident”, thuhet në njoftim.