Në Gjykatën Themelore në Prishtinë do të mbahet sot seanca gjyqësore në rastin e barrikadave të vendosura në veri të Kosovës.
Në këtë rast janë të akuzuar Dushan Maksimoviq, Milosh Radosavljeviq, Nemanja Joloviq, Dushan Drobaq, Srdjan Vuçiniç dhe Nenad Orloviç. Seanca zhvillohet në kuadër të procedurës gjyqësore lidhur me ngjarjet e barrikadave në veri të vendit.
Ndryshe në korrik kishte dështuar të mbahet edhe seanca e shqyrtimit fillestar ndaj të akuzuarve për vendosjen e barrikadave në veri të vendit.
Në aktakuzë thuhet se të pandehurit kanë bllokuar rrugët kryesore me mjete të rënda, si kamionë të mbushur me zhavorr, ekskavatorë, autoambulanca, autobusë dhe automjete të tjera.