Një shtetas irakian është arrestuar në fshatin Vërmicë, pasi dyshohet se ka kaluar ilegalisht kufirin nga Shqipëria në Kosovë.
Sipas Policisë, rasti ka ndodhur më 2 shtator rreth orës 17:05, kur i dyshuari është ndaluar nga një patrullë policore në zonën e Vërmicës.
Gjatë intervistimit, ai ka deklaruar se kishte hyrë nga Shqipëria në Kosovë në mënyrë të paautorizuar, përmes pjesës së Liqenit në Vërmicë.
Me vendim të prokurorit, i dyshuari është dërguar në mbajtje.