Presidenti aktual i Shqipërisë, Ilir Meta, ka përgëzuar vendimin e Bashkimit Evropian për të nisur zyrtarisht procesin e negociatave me Shqipërinë.
Në një konferencë për media, kreu i shtetit tha se kjo është ditë historike për shqiptarët dhe për rajonin. Së bashku me urimin e tij përcolli edhe mesazhin për institucionet duke u bërë thirrje institucioneve që të reflektojnë pa vonesë ndaj detyrave që kanë.
Sipas tij, kjo ditë është e vonuar por prapëseprapë e shkëlqyer, dhe se është në dorën e tyre që ky proces të zgjasë 30-të apo më shumë vjet.
“Përshëndes vendimin strategjik të BE-së për nisjen e negociatave me Bashkimin Evropian. E sotmja, edhe pse një ditë e vonuar, është një ditë e shkëlqyer për Shqipërinë. Iu bëj thirrje institucioneve të reflektojnë pa vonesë ndaj detyrave që kërkohen. Është në dorën tonë që ky proces të zgjasë 30 apo më shumë vjet”, ka thënë Meta.
Po ashtu, ai iu ka bërë thirrje qytetarëve të mos bien pre e fushatave që duan të minojnë rrugën drejt Bashkimit Evropian (BE). Sipas tij, rruga evropiane është e vetmja që garanton që Shqipëria të ketë atë begati, që qytetarët e kërkojnë në vendet perëndimore.
“U bëj thirrje qytetarëve të mos bien pre e fushatave që duan të na dekurajojnë dhe ta minojnë të ardhmen evropiane. Anëtarësimi i Shqipërisë në BE ia vlen çdo përpjekje e sakrificë, sepse është e vetmja rrugë që garanton që shtëpia jonë e përbashkët të ketë atë paqen e begatinë që bashkatdhetarët tanë e kërkojnë në Francë, Gjermani e Britani dhe vende të tjera”, ka shtuar ai.
LIVE – Deklaratë për mediat. https://t.co/3JqKSLTEW0
— Ilir Meta (@ilirmetazyrtar) July 19, 2022
Ndërkaq, pas hapjes së negociatave për fillimin e anëtarësimit të Shqipërisë bashkë me Maqedoninë e Veriut, kryeministri i Shqipërisë, Edi Rama e ka falënderuar Gjermaninë dhe Francën për kontributin e tyre ndaj Shqipërisë.
Rama pas hapjes së negociatave falënderon Gjermaninë dhe Francën