Pas hapjes së negociatave të Shqipërisë dhe Maqedonisë së Veriut për anëtarësim në Bashkimin Evropian, zëvendëskryeministri i Kosovës, Besnik Bislimi, ka thënë se përshpejtimi i procesit të zgjerimi është hetik për përspektivën evropiane.
Në një postim në llogarinë e tij në Twitter, për Bislimin tashmë është koha për heqjen e vizave për qytetarët e Kosovës.
“Urime Shqipërisë dhe Maqedonisë Veriore në këtë ditë historike të hapjes së negociatave të anëtarësimit me Bashkimin Evropian. Përshpejtimi i procesit të zgjerimit është jetik për perspektivën evropiane”, ka shkruar Bislimi teksa shtoi se “tani është koha për lirinë e vizave të shumëpritur për qytetarët e Kosovës dhe aplikimin e suksesshëm për anëtarësim në BE”.
Congratulations to 🇦🇱 & 🇲🇰 in this historic day of opening accession negotiations with 🇪🇺. Acceleration of enlargement process is vital for the European perspective of the WB.
Now is time for the long awaited visa lib. for Kosova citizens & successful EU membership application.
— Besnik Bislimi (@BislimiBesnik) July 19, 2022
Ndryshe, Shqipëria dhe Maqedonia e Veriut, të martën zyrtarisht do t’i nisin negociatat për anëtarësim në Bashkimin Evropian.
BE-ja ua ka dhënë dritën e gjelbër të dyja shteteve, pasi Maqedonia e Veriut e ka miratuar në Kuvendin e saj “Propozimin Francez”, i cili edhe e ka zgjidhur problemin që kishte ky shtet me Bullgarinë e që kishte të bënte me gjuhën dhe me pakicën bullgare që jeton në Maqedoni të Veriut.
Fillimin e negociatave e ka bërë të ditur edhe kryeministri i Shqipërisë Edi Rama, i cili përmes një shkrimi në Facebook është shprehur se dita e martë është një ditë e vecantë për shqiptarët.
“Me kënaqësinë e me krenarinë që sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit ’90, Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj”, ka shkruar Rama në Facebook.
Hapjen e bisedimeve nga ana e Bashkimit Evropian me Shqipërinë dhe Maqedoninë e Veriut, e ka përshëndetur presidenti i Shteteve të Bashkuara të Amerikës, Joe Biden.
“Hapat që BE-ja, Shqipëria dhe Maqedonia e Veriut kanë ndërmarrë ditët e fundit duhet të frymëzojnë të gjithë aspirantët e BE-së në rajon për rritje përkushtimin për përkushtimin të tyre”, thuhet në deklaratë.
Ai ka thënë se këto bisedime janë të rëndësishme për të çuar përpara integrimin e Ballkanit Perëndimor në komunitetin euroatlantik.
SHBA mirëpret hapjen e negociatave të BE-së me Shqipërinë dhe Maqedoninë e Veriut