Finalja e shumëpritur e emisionit N’Shej në Radio Televizionin Dukagjini do të zhvillohet të premten, me fillim nga ora 22:00, ku do të shpallet fituesi përformuesi më i mirë i aftësisë së saktësisë, dhe shpejtësisë në gjuajtje me armë.
Për gjatë shtatë muajsh, me mbi 80 garues nga të gjitha trevat shqiptare, janë zhvilluar sfida tejet interesante.
Ndërsa, emisioni N’Shej, tashmë ka arritur në përfundim të sezonit të parë.
Në emisionin N’Shej u zhvillua gjuajtje të objektivave në distancë.
Ku është përfshirë një konkurrencë ekipore dhe individuale, e po ashtu dhe performanca e ekipit është vlerësuar duke përmbledhur rezultatet e anëtarëve të ekipit individual.
Në këtë episod, i cili do të jetë i fundit për këtë sezon, janë në garë katër finalistë, ku njëri prej tyre do të marrë me vete çmimin e madh.
Ndiqeni emisionin, nga ora 22:00 ne ekranin e RTV Dukagjinit, pasi do të jetë episodi final dhe do të shpallet kampioni i këtij sezoni, në gjuajtje me armë.