Dy persona janë arrestuar pasi janë dyshuar për vepren penale të “mbajtjes në pronësi, kontroll ose posedim të paautorizuar i armëve”, bën të ditur Policia e Kosovës.
Përmes një postimi në Facebook, Policia e Kosovës ka treguar se të njëjtit, 38 dhe 30 vjeçari, po mbanin me vete në brez armë zjarri, në një lokal nate në rrugën magjistrale Ferizaj-Prishtinë.
“Sot, rreth orës 04:00 të mëngjesit, Policia Rajonale e Ferizajt ka pranuar një informacion se në një lokal nate, në rrugën magjistrale Ferizaj-Prishtinë, në fshatin Babush i Ri, dy persona bartin me vete në brez, armë zjarri”, thuhet në njoftim.
Nën autorizimin e Prokurorit kujdestar nga Prokuroria Themelore në Ferizaj, bëhet e ditur se Policia e Stacionit të Ferizajit ka ndërmarrur veprimet e nevojshme duke shkuar në drejtim të lokalit me ç’rast, pas kontrollit, është gjetur është gjetur një armë zjarri (pistoletë) me një karikator dhe shtatë fishekë.
Arma në fjalë është gjetur tek personi me inicialet RR.S i moshës 38 vjeçare.
“Dy të dyshuarit më pas janë shoqëruar në stacionin e policisë në Ferizaj dhe pas intervistimit nga hetuesit policor, i dyshuari RR.S deklaron se arma i përkiste personit tjetër që ishte bashkë me të, me inicialet D.R (M/K) i moshës 30 vjeçar”, thuhet tutje në raport.
Me vendim të Prokurorit të rastit, i dyshuari D.R dërgohet në mbajtje për 48 orë, ndërsa i dyshuari RR.S është liruar për procedurë të rregullt hetimore.