Presidentja e Kosovës, Vjosa Osmani ka përkujtuar Enver Zymberin, policin i cili u vra në krye të detyrës nga strukturat kriminale serbe në mbrojtje të shtetit ligjor.
Përmes një postimi në Zyrën e Presidentes, Osmani ka përkukjtuar Zymberin dhe 21 policët e rënë në detyrë që nga themelimi i Policisë së Kosovës.
“Në 11-vjetorin e rënies, e kujtojmë sot heroin Enver Zymberi, i cili ra në mbrojtje të integritetit territorial të Kosovës, për të cilën gjë i përkulemi sot e përjetësisht. Ai është heroi i Kosovës së sotme, i cili u vra në krye të detyrës nga strukturat kriminale serbe në mbrojtje të shtetit ligjor.
Krahas tij, në Ditën e policëve të rënë në krye të detyrës, kujtojmë edhe 21-policët e rënë në detyrë, që prej themelimit të Policisë së Kosovës. Ata janë nderi, krenaria dhe përpjekja për ndërtimin e një mjedisi të sigurt për të gjithë”, ka shkruar Osmani.
Ajo ka cilësuar policët sikurse “e tashmja dhe e ardhmja e sigurt për qytetarët dhe për shtetin e Kosovës”.
12 vjet nga aksioni i policisë në veri ku u vra Enver Zymberi