Prokurorët në Spanjë kanë kërkuar që këngëtarja kolumbiane Shakira të dënohet me tetë muaj burg, për mashtrim të dyshuar tatimor.
Shakira, emri i plotë i së cilës është Shakira Isabel Mebarak Ripoll, akuzohet se ka dështuar t’i paguajë qeverisë spanjolle 14.5 milionë euro taksa midis viteve 2012 dhe 2014.
Të premten e 29 korrikut prokurorët kanë thënë që kërkojnë gjithashtu që këngëtaja të gjobitet me një shumë prej 24 milionë eurosh.
Derisa këngëtarja këtë javë ka refuzuar një marrëveshje të ofruar nga prokurorët, duke zgjedhur të përballet me gjyqin. Ndërsa sa i përket datës së seancës gjyqësore akoma nuk është bërë e ditur, raporton euronews.
Por ekipi i marrëdhënieve me publikun të këgëtares kolumbiane, Shakira ka thënë se këngëtarja i ka përmbushur gjithmonë detyrimet e saj tatimore. Dhe se artistja ka depozituar shumën që thuhet se i detyrohet, duke përfshirë 3 milionë euro në interes.
Ndryshe, Shakira së fundmi i ka dhënë fund lidhjes 11-vjeçare me yllin e FC Barcelona, Gerard Pique, me të cilin ka dy fëmijë.
Spanjë: Shakira vendos të shkojë në gjyq për mashtrim tatimor prej 14.5 milionë eurosh