Emisari Special i Bashkimit Evropian për dialogun Kosovë – Serbi, Miroslav Lajçak, ka mirëpritur vendimin e Qeverisë së Kosovës për shtyrjen e implementimit të vendimeve të reciprocitetit të letërnjoftimeve me Serbinë dhe atë për targa.
Me anë të një postimi në llogarinë e tij në Twitter, Lajçak ka thënë se Bashkimi Evropian pret largimin e menjëhershëm të barrikadave.
“Vendim i mirëpritur i Kosovës për pranimin e propozimit që t’i shtyjë për një muaj vendimet.BE pret që të gjitha pengesat të hiqen menjëherë. Josep Borrell ftoi Kosovën dhe Serbinë që të angazhohen në dialog në rrugën përpara. Mirënjohës ndaj Ambasadorit të SHBA-ve në Kosovë për mbështetjen e fortë”, ka shkruar ai.
Welcome decision by Kosovo to accept @JosepBorrellF proposal to postpone by 1 month. EU expects all roadblocks to be removed immediately. HRVP Borrell invited Kosovo & Serbia to engage in dialogue on way forward. Grateful to @USAmbKosovo for strong support.
— Miroslav Lajčák (@MiroslavLajcak) July 31, 2022
Qeveria e Kosovës ka marrë vendim që të shtyjë implementimin e vendimeve të reciprocitetit të letërnjoftimeve me Serbinë dhe atë për targa.
Vendimi është marrë pas takimit të krerëve shtetërorë të Kosovës me ambasadorin amerikan Jeffrey Hovenier.
SHBA-ja ka kërkuar të shtyhet implementimi i vendimeve për 30 ditë. Zbatimi i vendimeve është shtyrë deri më 1 shtator, por me kusht që të hiqen barrikadat në veri.
“Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës. Falënderojmë partnerët ndërkombëtarë, në veçanti ambasadorin amerikan Jeffrey Hovenier, për angazhimin dhe kontributin”.
Qeveria shtyn vendimet, me kusht që deri të hënën të hiqen barrikadat në Veri