RTV Dukagjini ka vendosur që për audiencën e tij, të përkujdeset me emisionin ‘30 NETË VERE’, që është argëtues dhe në të njëjtën kohë informues.
Programi i verës në RTV Dukagjini, do të jetë i përditshëm, nga e hëna në të diel dhe do të fillojë në ora 20:05.
I njëjti do të zgjasë për afro një orë e gjysmë.
Ky emision do të përbëhet nga shumë rubrika e storie të ndryshme. Gjithashtu do të ketë të ftuar të ndryshëm në studio.
Përveç bisedave, do të ketë edhe lidhje direket nga qytetet e Kosovës, ku do të zhvillohen intervista me qytetarët.
Pjesa e fundit e emisionit do t’i dedikohet sportit.