Fluksi i veturave në pikat kufitare të Kosovës po vazhdon edhe përgjatë të dielës.
Në Merdarë, pritjet në dalje shënojnë radhën e automjeteve deri në një kilometër, dhe pritje deri në dy orë.
Ndërkaq, në hyrje pritjet janë deri në 10 minuta dhe nuk raportohet të ketë radhë të automjeteve, ka njoftuar Qendra Kombëtare për Menaxhim Kufitar.
Në pikëkalimin kufitar Dheu i Bardhë, në dalje pritjet arrijnë deri në 45 minuta duke shënuar radhën e kolonave deri në 200 metra.
Në hyrje, nuk ka kolona dhe rrjedhimisht pritjet janë deri në 10 minuta.
Ndër të tjera, në pikën kufitare në Mutivodë, kolona arrin deri në 50 metra në dalje.
Për sa i përket pritjes, ajo arrin kohën deri në 30 minuta.